9 class Biology Tissues -కణజాలాలుTelugu medium notes

CLICK ABOVE TITLE TO OPEN. Posted on

 

 

9 - Class Biology అధ్యాయం 2  కణజాలాలు (TISSUES)

 

1. 'కణజాలం'ను నిర్వచించండి.

 కణజాలం అనేది నిర్మాణంలో సారూప్యత కలిగి ఒక ప్రత్యేకమైన విధిని నిర్వర్తించడానికి ఏర్పడిన కణాల సమూహం.

 

2. ఏఏ అంశాలు కలిసి దారుకణజాలాలను ఏర్పరుస్తాయి. వాటి పేర్లు రాయండి.

 దారుకణజాలం (Xylem) ప్రధానంగా నాలుగు భాగాలతో ఏర్పడుతుంది:

➢ దారునాళాలు (Vessels)

➢ దారు కణాలు (Tracheids)

➢ దారు నారలు (Xylem fibres)

➢ దారు మృదు కణజాలం (Xylem parenchyma)

 

3. మొక్కలలో సరళకణజాలం, సంక్లిష్ట కణజాలంతో ఎలా విభేదిస్తుంది?

 

సరళ కణజాలం (Simple Tissue)

సంక్లిష్ట కణజాలం (Complex Tissue)

ఒకే రకమైన కణాలతో ఏర్పడుతుంది

ఒక్కటికి మించిన రకాల కణాలతో ఏర్పడుతుంది

ఒకే విధమైన పనిని మాత్రమే నిర్వహిస్తుంది

వేర్వేరు రకాల కణాలు సహకరిస్తూ ఒకే పనిని నిర్వహిస్తాయి

 

4. కణకవచం ఆధారంగా మృదుకణజాలం, స్థూలకోణ కణజాలం, దృఢకణజాలం మధ్య భేదాలేవి?

 

మృదుకణజాలం (Parenchyma)

స్థూలకోణ కణజాలం (Collenchyma)

దృఢకణజాలం (Sclerenchyma)

కణకవచం పలుచగా ఉండి సెల్యులోజ్ తో ఏర్పడుతుంది

కణకవచం మూలల వద్ద పెక్టిన్ నిల్వవడం వలన దళసరిగా ఉంటుంది

కణకవచం లిగ్నిన్ నిల్వవడం వలన బలంగా, దళసరిగా ఉంటుంది

 

5. పత్రరంధ్రం విధులను తెల్పండి?

పత్రరంధ్రాలు (Stomata) అనేవి బాహ్యచర్మం (Epidermis) లో ఉండే చిన్న రంధ్రాలు. వీటి ముఖ్యమైన పనులు:

➢ వాతావరణంతో వాయువుల మార్పిడి జరగడానికి సహాయపడతాయి.

➢ భాష్పోత్సేకం (Transpiration) ద్వారా నీటిని ఆవిరి రూపంలో బయటకు పంపడంలో సహకరిస్తాయి.

 

6. పట సహాయంతో మూడు రకాల కండర కణజాలాలలో భేదాలను చూపించండి?



కండర కణజాలాల తేడాలు

లక్షణం

రేఖిత కండరాలు (Striated / Skeletal)

అరేఖిత కండరాలు (Unstriated / Smooth)

హృదయ కండరాలు (Cardiac)

స్థానం

చేతులు, కాళ్లు, ఎముకలకు అతుక్కుని

కడుపు, పేగులు, ఊపిరితిత్తులు, మూత్రనాళం

హృదయం

స్వభావం

నియంత్రిత (Voluntary)

అనియంత్రిత (Involuntary)

అనియంత్రిత (Involuntary)

ఆకారం / నిర్మాణం

పొడవుగా, స్థూపాకారంగా (Cylindrical), శాఖలు లేవు

పొడవుగా, మొనదేలిన ఆకారం (Spindle-shaped)

స్థూపాకారంగా (Cylindrical), శాఖలుగా విభజించబడి

కేంద్రకాల సంఖ్య

అనేక కేంద్రకాలు (Multinucleate)

ఒక్క కేంద్రకం (Uninucleate)

ఒక్క కేంద్రకం (Uninucleate)

ప్రత్యేక లక్షణం

రేఖలు (Dark & light bands) స్పష్టంగా కనిపిస్తాయి

రేఖలు ఉండవు

జీవితాంతం లయబద్ధమైన సంకోచం–సడలిక

 

7. హృదయ కండరం యొక్క ప్రత్యేక పని ఏమిటి?

హృదయ కండరాలు శాఖలుగా విభజించి ఉండి, స్థూపాకారంగా (Cylindrical) ఉంటాయి. ఇవి అనియంత్రితంగా పని చేస్తూ జీవితాంతం లయబద్ధమైన సంకోచం–సడలిక (Rhythmic contraction & relaxation) జరిపి రక్తప్రసరణ కొనసాగిస్తాయి.

8. శరీరంలో రేఖిత, అరేఖిత, హృదయ కండరాల నిర్మాణం, వాటి స్థానం/ప్రదేశం బట్టి వాటి మధ్య భేధాలను తెల్పండి.

రేఖిత కండరాలు (Striated Muscles)

అరేఖిత కండరాలు (Unstriated Muscles)

హృదయ కండరాలు (Cardiac Muscles)

నిర్మాణం

పొడవుగా, స్థూపాకారంగా ఉంటాయి. అడ్డు చారలు (రేఖలు) ఉంటాయి.- బహుకేంద్రకాలు ఉంటాయి.

ఇరుసు ఆకారంలో ఉంటాయి. అడ్డు చారలు ఉండవు. ఏకకేంద్రకం ఉంటాయి.

చిన్నవిగా, శాఖలుగా ఉంటాయి. అడ్డు చారలు ఉంటాయి. ఏకకేంద్రకం లేదా బహుకేంద్రకాలు ఉండవచ్చు.

స్థానం

ఎముకలకు అతుక్కుని ఉంటాయి. ఉదాహరణకు: చేతులు, కాళ్లు, ముఖ కండరాలు.

అంతర్గత అవయవాల గోడలలో ఉంటాయి. ఉదాహరణకు: జీర్ణాశయం, ప్రేగులు, మూత్రాశయం, రక్తనాళాలు.

గుండె గోడలలో మాత్రమే ఉంటాయి.

నియంత్రణ

నియంత్రిత కండరాలు (మన ఇష్టం ప్రకారం కదులుతాయి).

అనియంత్రిత కండరాలు (మన నియంత్రణలో ఉండవు).

అనియంత్రిత కండరాలు (మన నియంత్రణలో ఉండవు).

కార్యశైలి

శరీర కదలికలకు, భంగిమలకు సహాయపడతాయి.

వేగంగా సంకోచిస్తాయి మరియు త్వరగా అలసిపోతాయి.

నెమ్మదిగా సంకోచిస్తాయి మరియు సుదీర్ఘ కాలం అలసట లేకుండా పనిచేస్తాయి.

వేగంగా, రిథమిక్‌గా (లయబద్ధంగా) మరియు జీవితాంతం అలసట లేకుండా పనిచేస్తాయి.

 

9. నాడీకణం పటం గీసి భాగాలు గుర్తించండి.

Ø  కణదేహం (Cell body / Cyton)    

Ø  కేంద్రకం (Nucleus)

Ø  డెండ్రైట్లు (Dendrites)

Ø  తంత్రికాక్షం (Axon)

Ø  అక్ష తంతువులు (Axon terminals)

 

10.కింది వాక్యాలు చదివి వాటి పేర్లను రాయండి.

(a) మన నోటి లోపలి పొరను ఏర్పరచే కణజాలం – ఉపకళా కణజాలం (Squamous epithelium)

(b) మానవునిలో కండరాలను ఎముకలతో కలిపే కణజాలం – స్నాయు బంధనం (Tendon)

(c) మొక్కలలో ఆహారాన్ని రవాణా చేసే కణజాలం – పోషక కణజాలం (Phloem)

(d) మన శరీరంలో కొవ్వును నిల్వ చేసే కణజాలం – ఎడిపోజ్ కణజాలం (Adipose tissue)

(e) ద్రవరూప మాత్రిక (Fluid matrix) కలిగిన సంయోజక కణజాలం – రక్తం (Blood)

(f) మెదడులో ఉండే కణజాలం – నాడీ కణజాలం (Nervous tissue)

 

11. కింది భాగాలలో ఉండే కణజాలాన్ని గుర్తించండి: చర్మం, మొక్క బెరడు, ఎముక, మూత్రపిండ నాళిక లోపలి భాగం, నాళికాపుంజం.

    • చర్మం (Skin): స్తరిత శల్కల ఉపకళా కణజాలం (Stratified squamous epithelial tissue)
    • మొక్క బెరడు (Bark of tree): రక్షణ కణజాలం (Protective tissue / Cork)
    • ఎముక (Bone): సంయోజక కణజాలం (Connective tissue)
    • మూత్రపిండ నాళిక లోపలి పొర (Lining of kidney tubule): ఘనాకార ఉపకళా కణజాలం (Cuboidal epithelium)
    • నాళికా పుంజం (Vascular bundle): ప్రసరణ కణజాలం (Conducting tissue – Xylem & Phloem, సంక్లిష్ట శాశ్వత కణజాలం)

 

12. మొక్కలలో మృదు కణజాలం ఉండే ప్రదేశాల పేర్లు తెల్పండి.

    • కాండం, వేరుల మజ్జలో (Pith of stems and roots)
    • పత్రాలలో పత్రహరితం (Chlorophyll) కలిగి ఉంటే దానిని హరిత కణజాలం (Chlorenchyma) అంటారు
    • నీటి మొక్కలలో మృదుకణజాలంలో పెద్ద వాయు కుహరాలు (Air cavities) ఉండి తేలడానికి సహాయపడతాయి; దానిని వాయుగత కణజాలం (Aerenchyma) అంటారు

 

13. మొక్కలలో బాహ్యచర్మం (Epidermis) పాత్ర ఏమిటి?

మొక్కలలో బాహ్యచర్మం ఒక నిరంతరంగా ఉండే అనుక్రమమైన పొర (continuous layer) లా ఏర్పడి, కణాంతరావకాశాలు (intercellular spaces) ఉండవు. ఇది మొక్క యొక్క అన్ని భాగాలను కప్పి రక్షణ (Protection) అందిస్తుంది.

 

14. బెండు (Cork) రక్షణకణజాలంగా ఎలా పని చేస్తుంది?

    • బెండు కణాలు నిర్జీవ కణాలు (dead cells).
    • ఇవి అత్యంత సాంద్రంగా అమర్చబడి ఉండడం వలన కణాంతరావకాశాలు ఉండవు.
    • వీటి కణకవచాలలో సూబరిస్ (Suberin) అనే పదార్థం నిల్వవుతుంది.
    • దీనివల్ల నీరు, గాలి లోపలికి చొరబడకుండా ఉండి, మొక్కకు జలనిరోధకత (waterproofing) మరియు రక్షణ లభిస్తుంది.

 

15. క్రింద  ఖాళీలను పూరించండి.




శాశ్వత కణజాలాలు

    • సరళ కణజాలం (Simple Tissues)
      • మృదు కణజాలం (Parenchyma)
      • స్థూల కోణ కణజాలం (Collenchyma)
      • దృఢ కణజాలం (Sclerenchyma)
    • సంక్లిష్ట కణజాలం (Complex Tissues)
      • దారువు (Xylem)
      • పోషక కణజాలం (Phloem)