8 CLASS BIOLOGY
పంట ఉత్పత్తులు -
యాజమాన్య పద్ధతులు
1. కింది జాబితా నుండి
సరైన పదాన్ని ఎంచుకుని, ఖాళీలను పూరించండి.
జాబితా పదాలు: తేలుతాయి, నీరు, పంట, పోషకాలు, సిద్ధం చేయడం
(a)
ఒకే రకమైన మొక్కలను ఎక్కువ పరిమాణంలో ఒక ప్రదేశంలో సాగుచేయడాన్ని పంట అంటారు.
(b) పంటలు పండించే ముందు మొదటి దశలో నేలను సిద్ధం
చేయడం చేయాలి.
(c) పాడయిపోయిన విత్తనాలు నీటి ఉపరితలంపై తేలుతాయి.
(d) ఒక పంటను పండించడానికి,
తగిన సూర్యరశ్మి మరియు నీరు
మరియు నేల నుండి పోషకాలు
అవసరం.
2. కాలమ్
A లో అంశాలను కాలమ్ B లోని అంశాలతో
జతపరచండి.
|
కాలమ్ A |
కాలమ్ B |
|
(i) ఖరీఫ్ పంట |
(e) వరి మరియు మొక్కజొన్న |
|
(ii) రబీ పంట |
(d) గోధుమ, పప్పుదినుసులు,
బఠాణీ |
|
(iii) రసాయనిక ఎరువులు |
(b) యూరియా మరియు సూపర్ ఫాస్పేట్ |
|
(iv) సేంద్రీయ ఎరువు |
(c) జంతువుల మలమూత్రాలు,
ఆవు పేడ,
మొక్కల వ్యర్థాలు |
3. ప్రతీ దానికి రెండు ఉదాహరణలు ఇవ్వండి.
(a)
ఖరీఫ్ పంటలు – వరి,
మొక్కజొన్న
(b) రబీ పంటలు – గోధుమ,
బఠాణీ
4. కింది వాటిలో ప్రతీదానిపై మీ స్వంత మాటలలో ఒక పేరా రాయండి.
(a)
నేలను సిద్ధం చేయడం
పంటలు పండించడానికి ముందు నేలను దున్ని,
వదులుగా చేసి,
చదునుగా చేయాలి. దీనివల్ల వేర్లు లోతుగా చొచ్చుకుపోయి గాలి పీల్చుకోగలవు. అలాగే నేలలోని సూక్ష్మజీవులు,
వానపాములు నేల సారాన్ని పెంచుతాయి.
(b)
విత్తడం
విత్తనాలు నాణ్యమైనవి,
ఆరోగ్యకరమైనవి,
శుభ్రమైనవి ఉండాలి. విత్తనాలను సరైన లోతులో,
సమాన దూరంలో విత్తాలి. ఈరోజుల్లో విత్తనాలు నాటడానికి సీడ్ డ్రిల్ వంటి పరికరాలు వాడుతున్నారు.
(c)
కలుపు తీయుట
పంటతో పాటు అవాంఛనీయంగా పెరిగే మొక్కలను కలుపు మొక్కలు అంటారు. ఇవి నీరు,
పోషకాలు,
స్థలం కోసం పోటీ పడతాయి. కనుక కలుపును తొలగించాలి. కలుపును చేతితో,
పరికరాలతో లేదా కలుపు నాశకాలతో తొలగిస్తారు.
(d)
నూర్పిడి
పంట పక్వానికి వచ్చిన తర్వాత కోసిన పంట నుండి ధాన్యాన్ని పొట్టులో నుండి వేరు చేయడాన్ని నూర్పిడి అంటారు. ఇది సాంప్రదాయ పద్ధతుల్లో లేదా కంబైన్ వంటి యంత్రాల ద్వారా చేస్తారు.
5. రసాయనిక ఎరువులు, సేంద్రీయ ఎరువులతో ఏవిధంగా భిన్నంగా ఉంటాయో వివరించండి.
|
అంశం |
రసాయనిక ఎరువులు |
సేంద్రీయ ఎరువులు |
|
ఉత్పత్తి స్థానం |
కర్మాగారాల్లో తయారు చేస్తారు |
మొక్కల,
జంతువుల వ్యర్థాల నుండి ఏర్పడతాయి |
|
పోషకాల మోతాదు |
నత్రజని,
భాస్వరం,
పొటాషియం అధికంగా ఉంటాయి |
పోషకాలు తక్కువ మోతాదులో ఉంటాయి |
|
హ్యూమస్ |
నేలకు హ్యూమస్ ఇవ్వవు |
నేలకు హ్యూమస్ అధికంగా ఇస్తాయి |
|
ప్రయోజనం |
పంట దిగుబడిని త్వరగా పెంచుతాయి |
నేల నిర్మాణం, నీటి నిల్వ శక్తి,
సూక్ష్మజీవుల సంఖ్య పెంచుతాయి |
|
ప్రతికూలత |
అధిక వాడకం వల్ల నేల సారం తగ్గిపోతుంది, నీటి కాలుష్యం కలుగుతుంది |
ప్రతికూల ప్రభావం తక్కువ,
పర్యావరణానికి హితకరం |
6. నీటిపారుదల అంటే ఏమిటి? నీటిని సంరక్షించే రెండు నీటిపారుదల సౌకర్య పద్ధతులను
వివరించండి.
పంటలకు సరైన సమయంలో,
సరియైన పరిమాణంలో నీటిని అందించడాన్ని నీటిపారుదల అంటారు.
నీటిని సంరక్షించే పద్ధతులు:
తుంపర పద్ధతి
(Sprinkler System)
– వర్షం కురుస్తున్నట్టుగా నీటిని పంటలపై పిచికారీ చేస్తుంది. నీరు తక్కువగా ఉన్న భూముల్లో ఇది బాగా ఉపయోగపడుతుంది.
బిందు సేద్యం
(Drip Irrigation)
– నీరు బిందువుల రూపంలో నేరుగా మొక్కల వేర్ల దగ్గర పడుతుంది. ఇది నీటిని అత్యంత పొదుపుగా వాడే పద్ధతి.
7. ఖరీఫ్ కాలంలో గోధుమలను
విత్తితే, ఏమి జరుగుతుంది? చర్చించండి.
గోధుమలు రబీ పంటలు. ఇవి చల్లని వాతావరణంలో (అక్టోబర్–మార్చి)
బాగా పెరుగుతాయి. వర్షాకాలంలో విత్తితే ఎక్కువ తేమ కారణంగా మొక్కలు బాగా పెరగవు. దిగుబడి తగ్గిపోతుంది.
8. పొలంలో నిరంతర పంటల
పెంపకం వల్ల నేల ఎలా ప్రభావితమవుతుందో వివరించండి.
ఒకే పొలంలో పదే పదే పంటలు సాగు చేస్తే నేలలోని పోషకాలు తగ్గిపోతాయి. నేల సారం తగ్గిపోవడం వలన పంటలు బలహీనంగా పెరుగుతాయి. కాబట్టి పంటమార్పిడి (Crop rotation), సేంద్రీయ ఎరువులు వేయడం వంటి పద్ధతులు పాటించాలి.
9. కలుపు మొక్కలు అంటే ఏమిటి? మనం వాటిని ఎలా నియంత్రించగలం?
- కలుపు మొక్కలు: పంటతో పాటు అనవసరంగా పెరిగే మొక్కలు.
- ప్రభావం: పంటతో నీరు, పోషకాలు, సూర్యరశ్మి, స్థలం కోసం పోటీ పడతాయి.
- నియంత్రణ పద్ధతులు:
Ø చేతితో లేదా పనిముట్లతో పీకివేయడం.
Ø విత్తనాలు నాటే ముందు దున్నడం.
Ø కలుపు నాశకాలు (Weedicides) పిచికారీ చేయడం.
10. చక్కెర పంట ఉత్పత్తికి
సంబంధించిన ఫ్లో చార్టులోని కింది పెట్టెలను సరైన క్రమంలో రాయండి.
నేలను సిద్ధం చేయుట → నేలను దున్నుట → విత్తుట →
సేంద్రీయ ఎరువులు వేయుట → నీటిపారుదల →
పంటకోత → పంటను చక్కెర కర్మాగారానికి
చేర్చుట
11. పదకేళిని కింద ఇవ్వబడిన
ఆధారాల సహాయంతో పూర్తి చేయండి.
నిలువు (Down):1.నీటిపారుదల,2. భద్రపరచడం,5. పంట
అడ్డం (Across):3. హార్వెస్టరు,4. కందిపప్పు5. తుర్పరబట్టుట